🌻 *نمازِ فجر کے لیے جگانے کے لیے عمومی اسپیکر پر تلاوت کا حکم*
📿 *فجر کی نماز کے لیے جگانے کے لیے عمومی اسپیکر پر تلاوت کا حکم:*
لوگوں کو فجر کی نماز کے لیے مسجد جگانے اور بلانے کے لیے مسجد کے عمومی اسپیکر پر تلاوت یا نظم وغیرہ چلانا درست نہیں، کیونکہ ایک تو اس کی وجہ سے گھروں میں عبادت اور دیگر کاموں میں مشغول افراد کی عبادا ت اور دیگر کاموں میں خلل آتا ہے، دوم یہ کہ اس کی وجہ سے خواتین، مریضوں اور بچوں کو بھی تکلیف کا سامنا ہوسکتا ہے، سوم یہ کہ ایسا کوئی طریقہ صحابہ کرام کے دور میں رائج نہ تھا۔ اس لیے ایسے خود ساختہ نامناسب طریقوں سے اجتناب کرتے ہوئے دعوت اور اس جیسے دیگر جائز، مفید اور مؤثر طریقے اختیار کرنے چاہییں۔
(فتاوٰی محمودیہ ودیگر کتب)
☀ رد المحتار على الدر المختار:
وَفِي «حَاشِيَةِ الْحَمَوِيِّ» عَن الْإِمَامِ الشَّعْرَانِيِّ: أَجْمَعَ الْعُلَمَاءُ سَلَفًا وَخَلَفًا عَلَى اسْتِحْبَابِ ذِكْرِ الْجَمَاعَةِ فِي الْمَسَاجِدِ وَغَيْرِهَا إلَّا أَنْ يُشَوِّشَ جَهْرُهُمْ عَلَى نَائِمٍ أَوْ مُصَلٍّ أَوْ قَارِئٍ إلَخْ.
(بَابُ مَا يُفْسِدُ الصَّلَاةَ وَمَا يُكْرَهُ فِيهَا: مَطْلَبٌ فِي رَفْعِ الصَّوْتِ بِالذِّكْرِ)
✍🏻۔۔۔ مفتی مبین الرحمٰن صاحب مدظلہم
فاضل جامعہ دار العلوم کراچی
محلہ بلال مسجد نیو حاجی کیمپ سلطان آباد کراچی