سوچیں دِلّی کا کیا حال ہوا ہو گا۔۔۔۔۔

 ایک شخص نے کابل کے بادشاہ سے کہا کہ میں آپ کو ایک ایسی توپ بنا کر دیتا ہوں جو یہاں سے دِلّی کو تباہ کر دے گی

بادشاہ بولا: بلّے بھئی بلّے! اسکو اسی وقت فنڈز جاری کرو، فنڈز جاری ہوگیا، خیر توپ تیار ہو گئی اور ایک دن بادشاہ کے سامنے اس کا مظاہرہ رکھا گیا بادشاہ سلامت تشریف لائے اور توپ میں گولا ڈال کرفائر کیا گیا  زبردست دھماکہ ہوا، گولے کے ساتھ توپ بھی پھٹ گئی، ہر طرف دُھوئیں اور مٹی کے بادل چھا گئے

جب یہ بادل چَھٹے تو پتہ چلا کہ اس دھماکے سے خود وہ توپ ہی اُڑ گئی تھی

بادشاہ نے غصے سے اس کاریگر کی جانب دیکھا

کاریگر بادشاہ کی نیّت بھانپتے ہوئے فوراًکورنش بجا لایا، بادشاہ کے قدموں کو پکڑتے ہوئے بولا"بادشاہ سلامت جب یہاں اتنی تباہی ہوئی ہے تو سوچیں دِلّی کا کیا حال ہوا ہو گا۔۔۔۔۔