دجال مشرق کی ایک زمین سے نکلے گا۔

💖💘💞 درسِ حدیث 💞💘💖

سنن ابن ماجہ حدیث نمبر: 4072

کتاب: فتنہ و آزمائش سے متعلق احکام و مسائل

دجال مشرق کی ایک زمین سے نکلے گا۔

عَنْ أَبِي بَكْرٍ الصِّدِّيقِ قَالَ حَدَّثَنَا رَسُولُ اللَّهِ صَلَّى اللَّهُ عَلَيْهِ وَسَلَّمَ أَنَّ الدَّجَّالَ يَخْرُجُ مِنْ أَرْضٍ بِالْمَشْرِقِ يُقَالُ لَهَا خُرَاسَانُ يَتْبَعُهُ أَقْوَامٌ كَأَنَّ وُجُوهَهُمْ الْمَجَانُّ الْمُطْرَقَةُ

ترجمہ : حضرت ابوبکر صدیق ؓ سے روایت ہے، انہوں نے کہا: رسول اللہ ﷺ نے ہم سے حدیث بیان کرتے ہوئے فرمایا: ‘‘دجال مشرق کی ایک زمین سے نکلے گا، اسے خراسان کہا جاتا ہے۔ کچھ لوگ اس کا اتباع کریں گے، ان کے چہرے ایسے ہوں گے جیسے تہ دار ڈھال ہوتی ہے’’۔

تشریح : 

1۔جس علاقے کو ماضی میں خراسان:کہا جاتا تھااس میں اکثرحصہ موجودہ ایران کا اور روس سے آزاد ہونے والی ریاستوں کا ہےجو افغانستان کے  شمال میں واقع ہیں۔

2۔چمڑے کی تہ دار ڈھال کی طرح چپٹے چہرے والے لوگ چین میں تبت میں پاکستان  کے شمالی علاقوں (گلگت بلستان وغیرہ) میں اور جاپان میں پائے جاتے ہیں۔حدیث میں انھی علاقوں میں سے  کسی علاقے کے باشندے مراد ہوسکتے ہیں۔ممکن ہے خراسان  کے بعض علاقوں میں سے کسی علاقے کے باشندے  مراد ہوسکتے ہیں۔ممکن ہے خراسان  کے بعض علاقوں کے لوگ بھی ایسے ہوتے ہوں۔واللہ اعلم