حُصولِ اولاد کے لیے وظیفہ

 سوال: میری شادی کو 4 سال ہونے والے ہیں اور ابھی تک کوئی بچہ نہیں ہے، کوئی وظیفہ بتائیں، اللہ آپ کو اس کا اجر دے گا۔ان شاءاللہ

جواب: آپ پنچ وقتہ نمازوں کی پابندی سے ادائیگی اور ظاہری اسباب اختیار کرنے کے  ساتھ  صدق دل سے اللہ کے حضور اپنی  بے  چارگی کو بیان کر کے خوب  خوب  دعائیں مانگیں اور  استغفار اور صدقہ کی کثرت کریں، نیز   ہر نماز کے بعد میاں بیوی دونوں سات مرتبہ درج ذیل دعا کا اہتمام کریں، اللہ کی ذات سے قوی امید ہے کہ وہ ان کو اولاد کی نعمت عطاء کردے گا:

"﴿ رَبِّ لَا تَذَرْنِي فَرْدًا وّأََنتَ خَيْرُ الْوَارِثِينَ﴾ ".

نیز بزرگوں سے یہ بھی منقول ہے کہ  میاں بیوی ہم بستری سے پہلے سورۃ النجم کی آیات: پینتالیس(45)، چھیالیس(46)  اور سینتالیس(47) پڑھ لیا کریں۔ وہ یہ ہیں :

"﴿ وَأَنَّهُ خَلَقَ الزَّوْجَيْنِ الذَّكَرَ وَالْأُنْثَى (45) مِنْ نُطْفَةٍ إِذَا تُمْنَى (46) وَأَنَّ عَلَيْهِ النَّشْأَةَ الْأُخْرَى (47) ﴾". (سورۃ النجم)

فقط والله أعلم

فتوی نمبر : 144505101659

دارالافتاء : جامعہ علوم اسلامیہ علامہ محمد یوسف بنوری ٹاؤن